Heilt Nils!

Kulturjournalist Nils Kvamsdal har brukt heile livet på å fremja kulturlivet i Avisa Hordaland. Han ynskte å få bakomhistoriane til nokre av artistane med størst tyding for Voss som kulturbygd, fram i ljoset. Utfordringa var berre å finne eit format som passa dei relativt lyssky kulturprofilane han ville invitere.

I ei praktisk øving i omvendt psykologi utvikla me difor eit ekstravagant og ekstrovert «Late Night» talkshow-konsept, komplett med husband og konkurransar. Kontrasten mellom innhald og uttrykk blei ein spennande og effektfull vri.

Det vart produsert ein komplett, grafisk profil for konseptet som sytte for eit gjennomgåande visuelt uttrykk i alt frå marknadsføring til scene.